Asociacións

No Concello do Incio existe un amplo tecido asociativo que contribúe na dinamización cultural, educativa, deportiva e social da súa poboación. Dende esta Administración Local recoñecemos a importante labor diaria e altruísta destes colectivos que son motor da vida social do concello e que axudan a construír unha comunidade máis participativa e dinámica.

Dende a Administración colaboramos de diferentes formas e atendemos as variadas demandas destes colectivos, na medida do posible e co fin de que cada iniciativa, evento ou proxecto sexa un éxito que permita camiñar da man cara un concello máis vivo e plural.

Esta sección pretende reforzar esta alianza e servir de directorio e punto de encontro para dar a coñecer a labor dos colectivos do municipio. Se desexas contribuír na súa actualización, se botas en falta algunha asociación ou algún dato, ou queres dar a coñecer nas RRSS do Concello diferentes actividades, podes escribirnos un correo a info@concellodoincio.gal.